ទស្សនារូបភាព និងវីដេអូឃ្លីប Real ស៊ី Dortmund ២-០
ចង់ដឹងថា ២គ្រាប់នោះរកបាន ដោយកីឡាករណាខ្លះនោះ សូមទស្សនារូបភាព ក៏ដូចជាវីដេអូឃ្លីបមានដូច ខាងក្រោម៖
ស៊ុតចូលហើយ ម៉េចធ្វើមុខអញ្ចឹង? Trackback
ប្រិយមិត្តបាល់ទាត់ប្រាកដជាស្គាល់ហើយថារូបខាងលើជា Robin van Persie កីឡាករនៃក្រុមបិសាចក្រហម Manchester United។ វាជារូបបង្ហាញពីសកម្មភាពរបស់ខ្សែប្រយុទ្ធសញ្ជាតិហុល្លង់រូបនេះ ក្រោយស៊ុតបញ្ចូលទីអតីតក្រុមរបស់ខ្លួន គឺកាំភ្លើងធំ Arsenal យប់មិញនេះ។ តើហេតុអ្វីបានជាកីឡាករស៊ុតបញ្ចូលទីច្រើនជាងគេនៅ BPL រដូវកាលនេះ មិនរត់អបអរដូចការស៊ុតចូលរាល់ដង បែរជាធ្វើមុខមិនសប្បាយចិត្ត សម្លឹងមើលមេឃទៅវិញ?
រូបភាពនេះបានបង្ហាញពីការមិនទាន់អស់អាល័យពីក្លិបដែលខ្លួន
ធ្លាប់អាស្រ័យនៅ អស់រយៈពេលដល់ទៅ៨ឆ្នាំ
ត្បិតអីគ្រាប់បាល់ដែលស៊ុតពីចំណុច១១ម៉ែត្ររបស់ RVP នេះ
គឺជាគ្រាប់បាល់បន្ថយក្ដីសង្ឃឹមរបស់ Arsenal
ក្នុងការដណ្ដើមកៅអីទៅ Champions League រដូវកាលក្រោយ។
Van Persie ស៊ុតបាល់ពិន័យ១១ម៉ែត្រ
ដូច
ដែលប្រិយមិត្តបានដឹងតាមរយៈអត្ថបទមុននេះរបស់ Sabay រួចមកហើយថា
កីឡាករដែលផ្ទេរចេញពី Arsenal មកកាន់ Man Utd
ក្នុងតម្លៃខ្លួន២៤លានផោនរូបនេះ
បានស៊ុតបាល់ពិន័យ១១ម៉ែត្រតាមស្មើអតីតក្រុមរបស់ខ្លួននៅ
Emirates Stadium ក្នុងនាទីចុងក្រោយនៃតង់ទី១ បន្ទាប់ពី Walcott
ស៊ុតឲ្យម្ចាស់ផ្ទះនាំមុខតាំងពីដើមតង់។ កាលពីជើងទី១
នាខែវិច្ឆិកា ឆ្នាំមុន ខ្សែប្រយុទ្ធកូនពីររូបនេះ
ក៏បានស៊ុតបញ្ចូលទី១គ្រាប់រួមចំណែកឲ្យបិសាចក្រហម
ឈ្នះកាំភ្លើងធំ ២-១ ផងដែរ។
ក្រៅពី
សម្ដែងការគោរពចំពោះក្លិបចាស់របស់ខ្លួន កីឡាករវ័យ២៩ឆ្នាំ
ក៏បានទទួលការស្វាគមន៍ពីក្រុមអ្នកគាំទ្រនៃក្រុម Arsenal
វិញផងដែរ ដែលមានជាការលើកផ្ទាំងបដាផ្សេងៗជាដើម។ ដោយឡែក
អ្នកចាត់ការកាំភ្លើងធំ លោក Arsene Wenger វិញ បានបញ្ជាក់ផងដែរថា៖
“អ្នកគាំទ្រ Arsenal ស្រលាញ់គាត់ ប៉ុន្តែជាក្ដីស្រលាញ់ដ៏សោកសៅ។
វាបានក្លាយជាប្រពៃណីទៅហើយនៅពេលកីឡាករមិនអបអរការស៊ុតបញ្ចូលទី
ក្រុមចាស់របស់ខ្លួន ហើយ RVP ក៏បានគោរពតាមប្រពៃណីនេះដែរ។
បើទោះបីជាពេលនោះគាត់អបអរ ក៏ខ្ញុំមិនភ្ញាក់ផ្អើលអ្វីដែរ
ព្រោះក្នុងខ្លួនរបស់គាត់កំពុងសប្បាយ”។
Van Persie លើកដៃដាក់គាំទ្រក្រោយចប់ការប្រកួត
អ្នក
ចាត់ការសញ្ជាតិបារាំងដដែលក៏បានឲ្យដឹងទៀតដែរថា
ខ្សែប្រយុទ្ធដែលស៊ុតបាន២៥គ្រាប់នៅ BPL រដូវកាលនេះ
ក៏បានចូលទៅជួបអតីតមិត្តរួមក្រុមរបស់ខ្លួននៅក្នុងបន្ទប់ផ្លាស់
សម្លៀកបំពាក់បន្ទាប់ពីចប់ការប្រកួតទៀតផង។
លទ្ធផល
ត្រឹមស្មើនេះ បានធ្វើឲ្យ Arsenal ធ្លាក់ពីលេខ៣មកលេខ៤
ចាញ់ក្រុមលេខ៣ Chelsea ១ពិន្ទុ និងមាន២ពិន្ទុលើក្រុមលេខ៥ Spurs
ប៉ុន្តែមាន់ខ្នាយមាសមាន១ប្រកួតតិចជាងក្រុមលោក Wenger៕
ប្រែសម្រួល៖ សុខ សុវត្ថិ
.gif)
Posts
0Awesome Comments!